21.01.2025
21.01.2025-ci il tarixdə Şəki şəhər 4 nömrəli Uşaq Musiqi məktəbi tərəfindən unudulmaz bəstəkar, Xalq artisti Şəfiqə Axundovanın 101 illik yubileyinə həsr olunmuş "Şərqin nəğməkar qadını" adlı konsert keçirilib.
Konsertdə Şəki-Zaqatala Regional Mədəniyyət İdarəsinin rəhbərliyi və əməkdaşları, mədəniyyət işçiləri, şəhər içtimaiyyəti iştirak edib.
Yubiley konsertində bəstəkarın ömür yoluna nəzər salınıb və dahi bəstəkarın yaradıcığından bəhs edən vidoçarx nümayiş olunub.
Çıxışlarda qeyd olunub ki, 1924-cü ildə Şəkidə ziyalı ailəsində anadan olan Şəfiqə Axundova elə uşaqlıqdan musiqiyə maraq göstərib. Anasının böyük dəstəyi ilə musiqi təhsili alan Şəfiqə Axundova Şərqdə ilk opera yazan qadın kimi tarixə düşüb. Operaları, musiqiləri yalnız Azərbaycanda deyil, bütün dünyada ona şöhrət gətirib.
Azərbaycanın Xalq artisti, “Şöhrət” ordenli Şəfiqə Axundova 2013-cü ildə Bakıda vəfat edib.